فى سابقه هى الاولى من نوعها فى جامعة جنوب الوادى
الحرس الجامعى و أمـــــــــــــــــــــــــن الدولة طاردوني فى قلب الجامعة
طب نجيب الحكاية من البداية
فى يوم 4/12/2007قمت الصبح ورحت الجامعة زى أى طالب عادىوأثناء دخولى من البوابة الرئيسية تصدى لى العسكرى خيــرى(تصوروا حيه واحد واخد إبتدائيه يمنع طالب جامعى محترم من الدخول للجامعه)
وراح نده لى الباشا رضا وبكل بلعطه قال لى ""أنت مفصول يابنى """
قلت ""بس أنا معايا حكم محكمة""
قـــــــــــــــــال ""الجامعة عملت إستشكال على الحكم ""
وطالبت بحقى فى إنى أشوف نسخه منة الاستشكال ..............وياريتنى ما طلبت .......
أتصل الباشا رضا بمركز العمليات وبعد حوار مش ظريف عنى قالوا له هنبعتلك نسخة
وفضلت واقف..................................................واقف.............................................واقف.............هى الساعة كام.........المهم لقيت نسخه الاستشكال جيه فى هيئة واحد من أمــــــن الدوله ومعاه مخبر من إياهم اللى شنبه تقف عليه الصقور ولو ريح كفه على ظهر حصان هايتكسر ظهر الحصان
أنا قلبى وقع فى رجلى
وحسيت أنهم جايين علشانى
وفجأه طلعت أجرى
وجريوا ورايا داخل الحرم الجامعى .........ولغاية 500 متر لما لقيو نفسهم ملحقونيش وقفوا وربنا الهمنى اللى هما يفكروا فيه """""هايركبوا تكسيات والحمد لله من تدبير ربنا ان الجامعه بتعتنا صحرا
جريت فى الصحرا نزلوا من التكسيات وجريوا ورايا فى الصحرا وحاوطونى
جريت ناحيه السور لقيتهم أتجننوا وزادوا من سرعتهم
ونطيت من السور
........................................................................................................والمفأجاة
لقيت واحد مستنينى بره السور
وجرى ورايا بره الجامعه بس الخوف جعل قوتى فى رجلى واختفيت منه وبعدها بساعة دخلت انا والجماعه المفصولين وعملنا مسيره صامته كان لها وقع كبيير بين الطلبة والحمد لله إن الطلبة المرة دى اتفعلوا معاناوالحمد لله الله اللى نجانا منهم ومن شرهم وطغيانهم
